(Tula Nga May Kasing-Kasing)

(Tula Nga May Kasing-Kasing)
by: b0sS

Sa akon pagmata nga sa ulo may bolpen kag basiyo sang bala;

Daw ginkaptan ko man ang mga pulong kag gakus sang babaye sang damgo sang bag-ong aga;

Ang gapiswit nga tinta kag gabuga nga pulbura, gabilin sang marka kag gabag-o sang sistema;

Paryas nga gindawat sang bag-ong maria, sa paglig-on kag sa pagbaton sang mga butung sang panahon;

Kag kay siya ang akon gugma,
ang pagkita sang bituon gabadlak nga pula;

Sa mga kamot kag matam-is nga adlaw sang kasing-kasing, amon unta kaptan kag dungan nga ipataas sa hangin;

Kag sa amo sina indi man daw yab-ok nga palidun, ining amon damgo sa katilingban nga tanan kita magpalipayon.